Լրահոս
Օրվա լրահոսը

Փոստանջյանի քարոզարշավը՝ Նուբարաշենի քրեակատարողականում. «Բանտախուցը զիջելու եք ՀՀԿ-ի հանցագործներին». (Ֆոտոշարք եւ տեսանյութ)

Մայիս 01,2017 21:12

Այսօր Երեւանի քաղաքապետի թեկնածու Զարուհի Փոստանջյանն իր թիմակիցների հետ քարոզարշավ իրականացրեց Նուբարաշենի քրեակատարողականի մոտ: Մոտենալով քրեակատարողական հիմնարկին՝ նա բարձրախոսով դիմեց կալանավորներին, «Սասնա ծռեր» խմբի անդամներին. «Ողջունում եմ ձեզ, այսօր այս նեղ պահին նեղ տեղում գտնվող իմ սիրելի՛ ընկերներ՝ Անդրիասը, Գեւորգը Սաֆարյան, Արմենը Բիլյան եւ շատերը, ովքեր միգուցե այստեղ չեն, բայց բոլորիդ ողջունում ենք:

Հույսով եղեք, հավատով եղեք, ազատագրումը տեղի է ունենալու եւ շուտով բոլորդ ազատվելու եք այս բանտախցից եւ բանտախուցը զիջելու եք ՀՀԿ-ի հանցագործներին, որոնց իսկական տեղը այստեղ է՝ այս բանտախցում: Այս գարշելի պայմաններում նրանց պետք է պահեն: Ճիշտ է, ես դեմ եմ մարդկանց նկատմամբ կիրառվի խտրական մոտեցում, բայց ճիշտ կլիներ, որ նրանք էլ համտեսեին այս պայմանները, այս թշվառ պայմանների մեջ նրանք էլ գտնվեին եւ իմանային ինչ կա մեր երկրում իրականում, այլ ոչ թե դուք՝ մարդիկ, որ արժանապատիվ պայքարել եք մեր իրավունքների համար»:

Նա սկսեց ներկայացնել «Երկիր Ծիրանի» կուսակցության ծրագիրը, ասելով, որ այն ներառում է լյուստրացիա, որը վերաբերում է այն պաշտոնյաներին, որոնք տարիներ շարունակ մարդու իրավունքները ոտնահարել են: Փոստանջյանը ողջունեց քաղբանտարկյալներին՝ ասելով, որ ազատ են արձակվելու բոլորը:

«Երկիր Ծիրանիի» թիմակիցներից մեկն էլ, բարձրախոսով հուսադրեց կալանավորներին՝ ասելով, որ «տեղերը փոխվելու են, այն հանցագործները, որոնք ազատության մեջ են, կգան փոխարինելու ազատամիտ մտածող այն մաքրամաքուր անհատներին, ինչպիսին դուք եք»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2017
Երկ Երե Չոր Հնգ Ուրբ Շաբ Կիր
« Ապր   Հուն »
1234567
891011121314
15161718192021
22232425262728
293031