«Ելք» դաշինքի անդամներն այսօր Երեւանի ավագանու ընտրություններին ընդառաջ քարոզարշավ էին իրականացնում Էրեբունի համայնքում:
Բակերից մեկում Նիկոլ Փաշինյանը, տեսնելով Արցախի 6բ հասցեի բազմաբնակարան շենքի մուտքի մոտ թափված աղբը, դատարկ արկղերը, ասաց. «Մեր իրականության մեջ բացառիկ հանդուրժողականություն է ձեւավորվել աղբի նկատմամբ: Տեսեք, սա շենքի բակ է, 20-30 հոգի անցել է ու ոչ մեկի մտքով չի անցել, որ կարելի է սենց անել ու նետել աղբամանը»,- ասաց Փաշինյանն ու ինքը կռանալով՝ վերցրեց աղբը, թափեց:
Նրա խոսքերով՝ շատ պարզ գործողություն է, բայց մարդիկ անցնում են աղբերի միջոցով, չեն կռանում ու չեն վերցնում. «Հայաստանում զապադլոյի մթնոլորտը ամենակարեւորն է, թող ուրիշը վերցնի, մենք խի՞ պտի վերցնենք: Դա մշակույթ է: Էդ սուտի գողականությունը մտել է, եւ դա կոռուպցիայի արմատներից է: Ամոթ է, որ զանգես, ասես՝ ժողովուրդ ջան, քո փողը գողանում են, քեզ թալանում են»:
Կարդացեք նաև
Հռիփսիմե ՋԵԲԵՋՅԱՆ
