Լրահոս
Օրվա լրահոսը

«Էն քո շեֆը, որ կար՝ էն ախպարը, որ կրել էր ստեղ, քո խաթր էինք անում». Ավանցին՝ Զարուհի Փոստանջյանին

Մայիս 04,2017 15:35

Այսօր «Երկիր Ծիրանի» կուսակցության նախագահ, Երեւանի քաղաքապետի թեկնածու Զարուհի Փոստանջյանը ավագանու թեկնածուների հետ քարոզարշավն իրականացրեց Ավան համայնքում:

Նա լրագրողների հետ զրույցում վստահեցրեց, որ հաղթելու են. «Ես լինելու եմ քաղաքապետ եւ քաղաքը կարգի եմ բերելու: Քաղաքը պետք է մաքրել այս հսկայածավալ աղբից, որ կուտակվել է այս 25 տարիների ընթացքում: Աղբը վերաբերում է անարդարությանը, ապօրինություններին, կոռուպցիային»:

Նա խոստացավ, որ հաշվետու է լինելու բնակիչներին, ԶԼՄ-ներին, ցանկացած գումար, որ հարկերի միջոցով քաղաքացիները վճարում են Երեւանի քաղաքապետարանի բյուջեին, ամեն լումա պետք է իր նպատակին ծառայի:

Զարուհի Փոստանջյանը վստահ է, որ Երեւանի ավագանիում Վանաձորի ավագանիի պատկերը չի ստացվի, քանի որ 51 տոկոսից ավելի են իրենք ձայն ստանալու եւ ընտրելու են քաղաքապետ: Դա, ըստ նրա, արդեն իսկ պարզ է քարոզարշավից:

Ավանի բնակիչներից մեկը մոտեցավ Զարուհի Փոստանջյանին եւ ասաց. «Մենք միշտ քեզ ենք ընտրել, քեզ ասեմ: Էն քո շեֆը որ կար՝ էն ախպարը, մի անգամ հիշո՞ւմ ես, որ կրել էր ստեղ, սաղին գյոզերով ես էի տանում, վատամարդ էի լինում, քո խաթր էինք անում»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Մայիս 2017
Երկ Երե Չոր Հնգ Ուրբ Շաբ Կիր
« Ապր   Հուն »
1234567
891011121314
15161718192021
22232425262728
293031