Սերբիայի Նովի Սադ քաղաքում ազատ ոճի ըմբշամարտի Եվրոպայի առաջնության մասնակիցներն այս երեկո ավարտում են մրցավեճը:
Եզրափակիչ օրը Հայաստանի ազգային հավաքականը երրորդ բրոնզե մեդալը նվաճելու հնարավորություն ունի: Մեր գերծանր քաշային Լեւան Բերիանիձեն (նկարում) գոտեմարտելու է Սլովակիան ներկայացնող Սոսլան Գագլոեւի հետ:
Այսօր հաջողությունը երես թեքեց մեր երկրորդ ըմբիշից՝ 70 կգ քաշային Վալտեր Մարգարյանից, որին մեկնարկային գոտեմարտում ուժեղ մրցակից էր բաժին ընկել՝ ռուսաստանցի Իսրաիլ Կասիմովը: Վալտերը մրցակցին ոչնչով չկարողացավ դիմակայել ու պարտություն կրեց՝ հետագայում էլ զրկվելով սփոփիչ գոտեմարտերին մասնակցելու հնարավորությունից:
Աշոտ ՀԱԿՈԲՅԱՆ
Կարդացեք նաև