Մայիսի 5-ին «Սարգիս Մուրադյան» պատկերասրահում տեղի ունեցավ «Լույսն ու ստվերը» խորագրով ցուցահանդես՝ նվիրված նկարչի 90-ամյակին: Ցուցահանդեսին ներկա էին նկարչի ընկերները, բարեկամները և պարզապես նրա արվեստի բարձրարժեքությունը գնահատողները:
«Սարգիս Մուրադյան մեծությունը մարդ էր, որը ոչ միայն արարել է հավերժ ապրող նկարներ, այլ հայ է, որը ակտիվորեն մասնակցել է հայոց ցեղասպանության ճանաչման, Արցախի հիմնահարցի լուծման, 1988-1996 թվականներին՝ Հայաստանի անկախության կայացման գործընթացներին»,- ասաց Սարգիս Մուրադյանի ընկերներից Յուրա Պետրոսյանը:
«Այսօր իմ լավագույն ընկերոջ՝ Սարգիս Մուրադյանի նկարները նայելով մտովի վերադառնում եմ անցյալ, որտեղ ամեն ինչ գունեղ էր մեր ներկապնակների պես»,-հուզմունքով ասաց նկարիչ Էդուարդ Վարդանյանը:
«Սարգիս Մուրադյանը շատ անհատական ցուցահանդեսներ է ունեցել՝ Էջմիածնում, Կիրովականում, Ալբանիայում, Լենինգրադում, Լեհաստանում և այլն, սակայն սա բացառիկ է, քանի որ ներկայացված նկարների մեջ կան այնպիսիք, որոնք առաջին անգամ են ցուցադրվում»,- նշեց ցուցահանդեսի կազմակերպիչներից Ալինա Սահակյանը, հավելելով, որ ցուցահաննդեսի նպատակն է ներկայացնել ՀՀ ժողովրդական նկարիչ Սարգիս Մուրադյանի ժառանգությունը, զարգացնել Հայաստանում ժամանակակից արվեստը՝ կազմակերպելով մշակութային և կրթական միջոցառումներ։
Կարդացեք նաև
Անուշ ԳԱՍՊԱՐՅԱՆ
