1991թ. մայիսի 6-ին Ոսկեպարի անտառում, երբ Նոյեմբերյանի ՆԳ բաժնի միլիցիոներները գնում էին հայրենիքի սահմանը պաշտպանելու, հարձակման ենթարկվեցին խորհրդային զինուժի կողմից: Զոհվեց նոյեմբերյանցի 14 ոստիկան, մի քանի տասնյակ ոստիկաններ գերեվարվեցին եւ բազում դժնդակ օրեր անցկացրին ադրբեջանական բանտերում: Ամեն տարի մայիսի 6-ին երթ է կատարվում դեպի Նոյեմբերյան քաղաքում հառնող զոհված միլիցիոներների հուշահամալիր:
2017թ. մայիսի 6-ին զոհված ոստիկանների հուշահամալիր ծաղիկներով այցելեցին զոհվածների հարազատները եւ ընկերները, ոստիկանության Տավուշի մարզային վարչության եւ Նոյեմբերյանի բաժնի աշխատակիցները, Նոյեմբերյան համայնքի ղեկավար Կարեն Աբազյանը, քաղաքի հիմնարկ-ձեռնարկությունների աշխատողներ, հարյուրավոր նոյեմբերյանցիներ:
Սկսած 2005 թվականից, արդեն 12 տարի, տիկին Ռոզա Ծառուկյանը մայիսի 6-ին այցելում է Նոյեմբերյան: Այս տարի էլ 84-ամյա Ռոզա Ծառուկյանը զոհված միլիցիոներների հուշահամալիր այցելեց, այնտեղ ծաղիկներ դրեց, գումարներ հանձնեց նոյեմբերյանցի զոհված միլիցիոներների ընտանիքներին: Զոհվածների հարազատները ցուցաբերված ուշադրության և աջակցության համար շնորհակալություն հայտնեցին Ռ. Ծառուկյանին:
Կարդացեք նաև
Ոսկան ՍԱՐԳՍՅԱՆ
