«Մայիսի 10-ին Dasaran.am կրթական ծրագիրը ամփոփեց Լեզվաբանության և տրամաբանության առաջին հայկական օլիմպիադայի մրցանակաբաշխությունը:
Նմանատիպ օլիմպիադաները միջազգային դպրոցական օլիմպիադաների մասնակցության հիմնական քայլերն են: Օլիմպիադային պատրաստվել էինք շուրջ 2 տարի»,- ասաց Dasaran.am կրթական ծրագրի տնօրեն Սուրեն Ալոյանը:
«Չնայած, օլիմպիադան ի սկզբանե կազմակերպված էր 9-12-րդ դասարանների համար, սակայն ես 8-րդ դասարան եմ, մասնակցել եմ ու զբաղեցրել 3-րդ տեղը»,-հպարտորեն ասաց Արմավիրի մարզի Գետաշեն գյուղի միջնակարգ դպրոցի սան Վարուժան Սահակյանը՝ հավելելով, որ իրենց դպրոցն էլ արժանացել է մրցանակի՝ որպես օլիմպիադային առավել շատ մասնակից ներկայացնող դպրոց:
«Շատ հպարտ եմ, որ արժանացել եմ 1-ին պատվավոր տեղին՝ հավաքելով 86 միավոր: Պետք է նշեմ, որ այս օլիմպիադային պարտվողներ չկան, քանզի այստեղ բոլորն էլ ուժեղ են և տրամաբանող»,-նշեց մրցույթի հաղթող՝ Երևանի Նիկոլ Աղբալյանի անվան 19 դպրոցի 9-րդ դասարանի աշակերտ Դանիել Ազիզյանը:
«Նմանատիպ օլիմպիադաներ դեռ շատ կկազմակերպվեն՝ տարբեր առարկաներով»,- ասաց մրցույթի կազմակերպիչներից՝ Արմեն Գևորգյանը և ավելացրեց, որ մրցույթի բոլոր մասնակիցները պարգևատրվելու են և ստանալու են պատվոգրեր:
ԵՊՀ Ռուս բանասիրության դեկան Պավել Բալայանը կրծքանշաններ նվիրեց առաջին 3 տեղը զբաղեցնողներին, իսկ մնացած մասնակիցներին՝ հետաքրքիր գրքեր, գիտելիքների պաշարն ավելացնելու համար:
Անուշ ԳԱՍՊԱՐՅԱՆ
