Լրահոս
Օրվա լրահոսը

ՀՀ Ազգային ժողովի նախագահ Արա Բաբլոյանի կենսագրությունը

Մայիս 18,2017 21:35

Ծնվել է 1947թ. մայիսի 5-ին Երեւանում:

1971թ. ավարտել է Երեւանի Մ. Հերացու անվան պետական բժշկական ինստիտուտի մանկաբուժական ֆակուլտետը:

Մանկաբույժ: 1971-1998թթ. մանկական վիրաբուժության, երիկամների եւ լյարդի փոխպատվաստման մասնագիտացում եւ վերապատրաստումներ է անցել Ռուսաստանում, Բելգիայում, Շվեյցարիայում, Ֆրանսիայում: Բժշկական գիտությունների դոկտոր: Պրոֆեսոր: 3 գյուտի, 7 մենագրության, 215 գիտական հոդվածի հեղինակ է: 2003-2005թթ. եղել է Առողջապահության համաշխարհային կազմակերպության (ԱՀԿ) Եվրոպայի տարածաշրջանային կոմիտեի մշտական հանձնաժողովի անդամ, 2008-2012թթ.` ԱՀԿ գործադիր կոմիտեի անդամ: Հայաստանի մանկական բժիշկների ասոցիացիայի նախագահն է, Մանկական ուրոլոգների Եվրոպական միության, Մանկական վիրաբուժական ասոցիացիաների Եվրոպական միության, Շվեյցարիայի նեֆրոլոգների ասոցիացիայի, Բելգիայի բժշկագիտության թագավորական ակադեմիայի անդամ: ՀՀ առողջապահության նախարարության գլխավոր մանկական վիրաբույժ: Պարգեւատրվել է ԵՊԲՀ 70 եւ 75-ամյակի ոսկե մեդալներով (2000 եւ 2005թթ., ՀՀ ԿԳՆ), Երեւանի քաղաքապետարանի պատվոգրով (2005թ.), ՀՀ Ազգային ժողովի շնորհակալագրով (2005թ.), Հայ-ֆրանսիական հարաբերությունների եւ մասնագիտական համագործակցության զարգացման համար «Ազգային արժանիքի ասպետ» շքանշանով («Officier de I’Ordre National Du Merite») (2005թ., Ֆրանսիայի Հանրապետություն), «Մխիթար Հերացի» (2007թ.), «Համագործակցության ամրապնդման համար» (2007թ., ՀՀ ոստիկանություն), «ՀՀ զինված ուժեր. 20 տարի» հոբելյանական (2012թ., ՊՆ) մեդալներով, «Երախտագիտություն» (2013թ., ԼՂՀ), «Սուրբ Սահակ-Սուրբ Մեսրոպ» պատվո բարձր շքանշանով (2014թ., Ամենայն Հայոց կաթողիկոս Գարեգին Բ), ՀՀ նախագահի մրցանակով` բժշկագիտության բնագավառում (2015թ.), «Հայրենիքին մատուցած ծառայությունների համար» 2-րդ աստիճանի շքանշանով (2016թ.):

1970-1971թթ. եղել է Երեւանի թիվ 8 պոլիկլինիկայի ուրոլոգիական կաբինետի բուժակ, բժիշկ, 1971-1972թթ.` նույն պոլիկլինիկայի մանկական վիրաբույժ եւ ուրոլոգ, 1972-1982թթ.` Երեւանի թիվ 1 մանկական կլինիկական հիվանդանոցի վի՟րա՟բույժ եւ ուրոլոգ, 1982-1990թթ.` Երեւանի թիվ 3 մանկական կլինիկական հիվանդանոցի ուրոլոգիական բաժանմունքի վարիչ: 1990թ. հիմնադրել է «Ուրոնեֆրոլոգիայի եւ մանկական վիրաբուժության մասնագիտացված կենտրոն»-ը: 1977-1997թթ.` ԵՊԲՀ մանկական վիրաբուժության ամբիոնի դասախոս, պրոֆեսոր: 1997թ. ԵՊԲՀ մանկական վիրաբուժության ամբիոնի վարիչն է: 1991-1997թթ.` ՀՀ առողջապահության նախարար, 1997-2002թթ.` «Արաբկիր» մանկական բժշկական կենտրոնի 1999-2007թթ.` «Արաբկիր» միացյալ մանկական բարեգործական հիմնադրամի գործադիր տնօրեն, 2003-2007թթ.` «Արաբկիր» բժշկական համալիր-երեխաների եւ դեռահասների առողջության ինստիտուտի կառավարման խորհրդի նախագահ: 2003-2007թթ.` «Գարանտ Լիմենս» ապահովագրական ընկերության տնօրենների խորհրդի նախագահ: 2007թ.` «Արաբկիր» բժշկական համալիր-երեխաների եւ դեռահասների առողջության ինստիտուտի գիտական ղեկավար:

2007-2012թթ.՝ ԱԺ պատգամավոր համամասնական ընտրակարգ, ՀՀԿ: ԱԺ առողջապահության, մայրության եւ մանկության հարցերի մշտական հանձնաժողովի նախագահ: ՀՀԿ խմբակցության անդամ: Անկուսակցական:

2012 թ. մայիսի 6-ին ԱԺ պատգամավոր է ընտրվել համամասնական ընտրակարգով Հայաստանի Հանրապետական կուսակցությունից: ԱԺ առողջապահության, մայրության եւ մանկության հարցերի մշտական հանձնաժողովի նախագահ: ՀՀԿ խմբակցության անդամ: ՀՀԿ խորհրդի անդամ:

2017թ. ապրիլի 2-ին կայացած ԱԺ ընտրությունների արդյունքում գրանցվել է ԱԺ պատգամավոր Հայաստանի Հանրապետական կուսակցությունից:

2017թ. մայիսի 18-ին ընտրվել է Հայաստանի Հանրապետության Ազգային ժողովի նախագահ:

Ամուսնացած է, ունի երկու զավակ եւ չորս թոռ:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2017
Երկ Երե Չոր Հնգ Ուրբ Շաբ Կիր
« Ապր   Հուն »
1234567
891011121314
15161718192021
22232425262728
293031