Ադրբեջանի ԱԳՆ-ին դուր չի եկել ԵԱՀԿ ՄԽ հայտարարությունը

Ադրբեջանի ԱԳՆ-ին դուր չի եկել ԵԱՀԿ ՄԽ հայտարարությունը

Ադրբեջանի ԱԳՆ մամուլի ծառայության ղեկավար Հիքմեթ Հաջիևը մեկնաբանել է ԵԱՀԿ Մինսկի խմբի համանախագահների հայտարարությունը Արցախի շփման գծում լարվածության վերաբերյալ, գրում է ԱՊԱ-ն:

Մասնավորապես, Հաջիևն ասել է, որ 2017թ. մայիսի 18-ին ԵԱՀԿ Մինսկի խմբի համանախագահների հայտարարությունը «ստանդարտ հայտարարություն» է: Ադրբեջանի ԱԳՆ-ին վրդովեցրել է, որ համանախագահները խոսել են միայն կրակի դադարեցման խախտումներից և չեն անդրադարձել Բերձորի (Լաչին) «օկուպացմանը» և չեն դատապարտել Հայաստանի նախագահ Սերժ Սարգսյանի վերջին հայտարարությունը:

«Չնայած այն բանին, որ այսօր լրանում է Լաչինի շրջանի օկուպացման 25-րդ տարին, ԵԱՀԿ Մինսկի խմբի համանախագահները դա չեն հիշատակել իրենց հայտարարության մեջ, ինչը անարդար և ոչ օբյեկտիվ մոտեցում է»,- ասել է նա:

Պատրաստեց՝ Վիկտորյա ԱՆԴՐԵԱՍՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք