Լրահոս
Օրվա լրահոսը

«Եթե այսօր հայրիկին չտեսնեմ, վերջին զանգին չեմ գնալու». ասել էր Լամբարյանի դուստրը հիվանդանոց տեղափոխվելուց առաջ

Մայիս 24,2017 17:57

Երեկ Արաբկիր Քանաքեռ-Զեյթուն վարչական շրջանների ընդհանուր իրավասության դատարանից Գրիգոր Լուսավորիչ բժշկական կենտրոն տեղափոխված «Սասնա ծռեր» խմբի անդամ Արմեն Լամբարյանի դուստրը` Անին (լուսանկարը` նրա ՖԲ էջից)  երեկ երեկոյան դուրս է գրվել հիվանդանոցից: Այս մասին մեզ հետ զրույցում ասաց Լամբարյանի պաշտպան Արայիկ Պապիկյանը:

«Հիվանդանոցից տուն էին ուղարկել, մայրիկին ասել էին առաջիկա երկու օրը ամբուլատոր վերահսկողության տակ պահեն: Համեմատաբար լավ է  զգացողությունը, ճիշտ է գրեթե անկողնային վիճակում է, բայց տանն է, համեմատաբար լավ է զգում»,- ասաց պարոն Պապիկյանը:

Փաստաբանը պատմեց, որ երեկ, նիստից առաջ, երբ խոսում էր Լամբարյանի դստեր՝ Անիի հետ, վերջինս անկեղծացել է: «Ասաց՝ եթե այսօր հայրիկին չտեսնեմ, վերջին զանգին չեմ գնալու: Նաեւ ուզում էր՝ հայրիկն իրեն խոսք ասի վերջին զանգի հետ կապված: Երեկ շատ էր սպասում, երեւի այդ էմոցիաներն ու զգացմունքներն իր մեջ կուտակվեցին ու նեւրոզ առաջացավ, բժիշկն էլ ասաց հիվանդանոցում, որ իր մոտ նեւրոզ է»,-պատմեց փաստաբանը:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2017
Երկ Երե Չոր Հնգ Ուրբ Շաբ Կիր
« Ապր   Հուն »
1234567
891011121314
15161718192021
22232425262728
293031