ՀՀ ՊՆ նախաձեռնած Ռազմական լրագրության դասընթացի շրջանակում այսօր ՀՀ ԶՈՒ ԳՇ պետ Մովսես Հակոբյանը լրագրողների համար պարզաբանեց, թե ինչու է Արցախի պաշտպանության բանակը որոշել սահմանային իրավիճակի վերաբերյալ հաղորդագրությունները տարածել ոչ թե նախկինի պես՝ ամեն օր, այլ ամփոփ՝ շաբաթը մեկ անգամ:
«ՊՆ ունեցած տեղեկատվությունը՝ որքա՞ն կրակեցին, ո՞ր ուղղությունից եւ ինչպե՞ս, պարունակում է որոշակի գաղտնիություն»,-նախ նշեց նա:
Մովսես Հակոբյանի խոսքով՝ ՊԲ նշյալ որոշումը չի ենթադրում, թե զինծառայողների վիրավորվելու կամ առողջական խնդիրների մասին տեղեկատվությունը հասարակությանը հասու չի լինելու:
«Այդ տեղեկությունը հաղորդվելու է, բայց չի նշվելու՝ որ ուղղությամբ եւ որ զորամասում»,-ասաց Հակոբյանը:
Մովսես Հակոբյանն այնուհետեւ հայտնեց, որ նշյալ որոշման հիմքում նաեւ ինքն է կանգնած:
Լուիզա ՍՈՒՔԻԱՍՅԱՆ
