Լրահոս
Օրվա լրահոսը

Հայաստանի պատանի լողորդները Թբիլիսիում նվաճեցին մեդալների առյուծի բաժինը

Մայիս 29,2017 22:14

Թբիլիսիում անցկացվեց լողի Վրաստանի պատանիների բաց առաջնությունը, որին Հայաստանը մասնակցեց մինչեւ 14 տարեկան 16 լողորդներով:

Այս տարիքային խմբի Հայաստանի առաջնության արդյունքներով կազմավորված թիմի անդամները գերազանց մրցելույթներ ունեցան՝ նվաճելով խաղարկված մեդալների հավաքածուների առյուծի բաժինը՝ ընդհանուր առմամբ նվաճելով 32 ոսկե, 10-ական արծաթե եւ բրոնզե մեդալ:

Առանձնապես հաջող են հանդես եկել եւ վեցական ոսկե մեդալ նվաճել են Միխայիլ Շահնազարովը եւ Տարոն Սքիզասը: Եվա Կարապետյանը նվաճել է 5 ոսկե եւ 1 արծաթե, Լուսինե Վասիլյանը՝ 3 ոսկե, 2 արծաթե, Սյուզաննա Գրիգորյանը՝3 ոսկե եւ 1 արծաթե մեդալ:

Վերջին երկու տարում Հայաստանի լողորդները մշտապես բարձրացնում են վարպետությունը եւ սկսել են մրցանակային տեղեր զբաղեցնել միջազգային մրցաշարերում: Դա հնարավոր է դարձել Լողի հայկական դաշնության (նախագահ՝ Հովսեփ Մեսրոպյան) աշխատանքի՝ լողորդների համար մարզումային պայմաններ եւ ավելի հաճախակի ուսումնամարզական հավաքներ կազմակերպելու շնորհիվ:

Աշոտ ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2017
Երկ Երե Չոր Հնգ Ուրբ Շաբ Կիր
« Ապր   Հուն »
1234567
891011121314
15161718192021
22232425262728
293031