Լրահոս
Օրվա լրահոսը

Նամականիշ՝ նվիրված օլիմպիական չեմպիոն Արթուր Ալեքսանյանին

Մայիս 31,2017 10:05

«Օլիմպավանում» մարվեց եւ շրջանառության մեջ դրվեց մեկ նամականիշով գեղաթերթիկ` նվիրված «Սպորտ. Հայ օլիմպիական չեմպիոններ. Արթուր Ալեքսանյան» թեմային:

Նամականիշը մարեցին Արթուր Ալեքսանյանը, ՀԱՕԿ գլխավոր քարտուղար, ՀՀ սպորտի եւ երիտասարդության հարցերի նախարարի պաշտոնակատար Հրաչյա Ռոստոմյանը, ՀՀ տրանսպորտի, կապի եւ տեղեկատվական տեխնոլոգիաների նախարար Վահան Խաչատրյանը, «Հայփոստ Թրասթ Մենեջմենթ» ԲՎ գլխավոր տնօրեն Խուան Պաբլո Գեչիջյանը:

Գեղաթերթիկի վրա պատկերված են Ռիո-2016-ում Արթուր Ալեքսանյանի գոտեմարտերից հատվածներ, ինչպես նաեւ ըմբիշի ոսկե մեդալը` տեղադրված օլիմպիական օղակների մեջ:

Արարողությունից հետո Արթուր Ալեքսանյանն ասաց, որ սա իր համար մեծ իրադարձություն է: «Մանուկ հասակում եմ տեսել մեր օլիմպիական չեմպիոններին նվիրված նամականիշերը եւ երբեք չէի պատկերացնի, որ մի օր ես էլ կարժանանամ այս պատվին», – ասաց օլիմպիական չեմպիոնը, որն այս օրերին հունահռոմեական ըմբշամարտի Հայաստանի ազգային հավաքականի ընդլայնված կազմի հետ ուսումնամարզական հավաք է անցկացնում «Օլիմպավանում»՝ նախապատրաստվելով աշխարհի առաջնությանը:

Աշոտ ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2017
Երկ Երե Չոր Հնգ Ուրբ Շաբ Կիր
« Ապր   Հուն »
1234567
891011121314
15161718192021
22232425262728
293031