Լրահոս
Օրվա լրահոսը

Լեւոն Մկրտչյան. «Հատուկ դպրոցներում ստուգումներ կսկսվեն»

Մայիս 31,2017 12:05

Aravot.am-ը ԿԳ նախարար Լեւոն Մկրտչյանից հետաքրքրվեց՝ ի՞նչ վիճակ է տիրում Երեւանի հենաշարժական համակարգի խախտումներ ունեցող թիվ 17 հատուկ դպրոցում, որտեղ նորանշանակ տնօրենին «սրերով» էին ընդունել:

«Ըստ էության, այնտեղ կրքեր չկան: Կոլեկտիվը բացարձակապես անօրինական վիճակի մեջ էր, ուզում էին տնօրենի աղջկան պահել, այնտեղ մի ամբողջ բարեկամական խումբ էր աշխատում: Ես հանգիստ եմ վերաբերվում կոլեկտիվի էմոցիոնալ վիճակին, կփորձենք առաջիկայում ամեն ինչ կարգավորել»,-ասաց Լեւոն Մկրտչյանը:

Նա նաեւ հավելեց. «Նրանք դիմել են դատարան, երբ կլինի դատարանի որոշումը, դրանից հետո ամբողջությամբ այդ համակարգի վերանայմանը կանցնենք: Մենք արդեն սկսել ենք ուսումնասիրել անվանացանկերը այդ տիպի կրթական հաստատությունների, ցանկը բաց կլինի մամուլի համար: Ստեղծվել է հանձնաժողով, կփորձենք համալիր ստուգումներ անել հատուկ կրթական հաստատություններում: Այդտեղ մեծ է հաշմանդամություն ունեցող երեխաների համար նախատեսված գումարը, եւ անթույլատրելի է ընտանեկան կապալի նման ինչ-որ բան հիմնադրելը»:

Նախարարը նշեց, որ թիվ 17 հատուկ դպրոցի նորանշանակ տնօրենը ցանկացած պահի ոստիկանության ուղեկցությամբ կարող է ներս մտնել, սակայն այդ ձեւը նախարարության սկզբունքներին դեմ է:

 Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2017
Երկ Երե Չոր Հնգ Ուրբ Շաբ Կիր
« Ապր   Հուն »
1234567
891011121314
15161718192021
22232425262728
293031