Կարո Եղնուկյանը Արաբկիր եւ Քանաքեռ- Զեյթուն վարչական շրջանների ընդհանուր իրավասության դատարանում բողոքարկում էր քննիչի եւ դատախազի անգործությունը՝ միջնորդություններն առանց հիմնավորման մերժելու համար։
Այսօրվա դատական նիստում նա անդրադարձավ դատավոր Արսեն Նիկողոսյանի կայացրած մերժման որոշմանը, ըստ որի Կարո Եղնուկյանի գործը չի առանձնացվելու «Սասնա ծռեր»-ի գործից: Նրա խոսքերով՝ 14 մեղադրյալների մասով քրեական գործը բաղկացած է 40,0000 էջից եւ այն կարող է տեւել 3-4 տարի:
Կարո Եղնուկյանի այսօրվա բողոքն էլ մերժվեց: Դատավոր Արսեն Նիկողոսյանը պարզաբանեց. «Ըստ էության գործը գտնվում է այլ դատարանի վարույթում եւ դատարանի կողմից այլ տեսակի որոշումը կմտներ այլ դատարանի գործի քննության տարածք եւ դրանով կխախտեր բազմաթիվ նորմեր»:
Որոշումը կարող է բողոքարկվել Վերաքննիչ դատարանում:
Նյութն ամբողջությամբ՝ սկզբնաղբյուր կայքում
