Լրահոս
Օրվա լրահոսը

Եվս 83 ընտանիք ստացել է բնակարանի գնման վկայագիր

Մայիս 31,2017 18:44

Դեռևս ապրիլ ամսին ՀՀ կառավարությունը հավանության արժանացրեց և 2017թ. պետական բյուջեից 560.0 մլն դրամ հատկացրեց երկրաշարժի հետևանքով անօթևան մնացած ընտանիքների բնակարանային խնդիրների լուծմանն ուղղված պետական աջակցության ծրագրի շարունակական իրականացումն ապահովելու և Գյումրի քաղաքում ծրագիրն ավարտելու նպատակով:

Հատկացված միջոցներն ուղղվել են՝

– Գյումրի քաղաքում ծրագրի շահառու ճանաչված, սակայն ծրագրի շրջանակներում բնակարանային պայմանները դեռևս չբարելաված մոտ 90 ընտանիքի, ինչպես նաև Սպիտակ քաղաքում բնակապահովման իրավունքը դատական կարգով վերականգնած մեկ ընտանիքի՝ բնակարան (բնակելի տուն) ձեռք բերելու նպատակով բնակարանի գնման վկայագրի միջոցով ֆինանսական աջակցության տրամադրմանը,

– ՀՀ Շիրակի և Լոռու մարզերի գյուղական բնակավայրերում բնակապահովման իրավունքը դատական կարգով վերականգնած՝ մեկ սենյակի շահառու ճանաչված 3 ընտանիքի ուղղակի ֆինանսական աջակցության տրամադրմանը:

2017 թվականի մայիսի 31-ի դրությամբ 83 ընտանիքի տրամադրվել է բնակարանի գնման վկայագիր (ք.Գյումրի՝ 82, ք.Սպիտակ՝ 1), իսկ ուղղակի ֆինանսական աջակցություն ստանալու հավակնող մեկ սենյականոցի շահառու 3 ընտանիքների հետ կնքվել են ֆինանսական աջակցության տրամադրման պայմանագրեր:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԱՌԱՎԱՐՈՒԹՅԱՆՆ ԱՌԸՆԹԵՐ
ՔԱՂԱՔԱՇԻՆՈՒԹՅԱՆ ՊԵՏԱԿԱՆ ԿՈՄԻՏԵ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2017
Երկ Երե Չոր Հնգ Ուրբ Շաբ Կիր
« Ապր   Հուն »
1234567
891011121314
15161718192021
22232425262728
293031