ԱՄՆ-ը պատրաստ է աջակցել Արցախի խնդրի կարգավորման գործում. Սեկուտա

ԱՄՆ-ը պատրաստ է աջակցել Արցախի խնդրի կարգավորման գործում. Սեկուտա

Վաշինգտոնը պատրաստ է ԵԱՀԿ Մինսկի շրջանակներում աջակցություն ցուցաբերել Երևանին և Բաքվին արցախյան խնդրի կարգավորման գործում: Այս մասին հայտարարել է Ադրբեջանում ԱՄՆ դեսպան Ռոբերտ Սեկուտան Բաքվում Նավթագազային ցուցահանեսի շրջանակում ԱՄՆ-ի  և Բրիտանիայի կողմից կազմակերպված ընդունելությանը:

«Մենք պատրաստ ենք աջակցել հակամարտող կողմերի ջանքերին ղարաբաղյան հակամարտության խաղաղ կարգավորման համար»,.- ասել է Սեկուտան լրագրողներին:

Դեսպանը նշել է, որ Վաշինգտոնը նաև շահագրգռված է Ադրբեջանի հետ երկկողմ հարաբերությունների ամրապնդմամբ, և ընդգծել, որ Բաքուն ԱՄՆ-ի համար արժեքավոր գործընկեր է:

«Արդեն 25 տարի է, ինչ ԱՄՆ-ը և Ադրբեջանը երկկողմ հարաբերություններ են հաստատել… Մենք համատեղ աշխատում ենք հանուն բարգավաճման, ինչպես նաև համատեղ պայքարում ենք ահաբեկչության դեմ»,- ասել է Սեկուտան:

Պատրաստեց՝ Վիկտորյա ԱՆԴՐԵԱՍՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք