Լրահոս
Օրվա լրահոսը

Երեխան կացնահարված մոր կողքը կանգնած՝ անընդհատ ղժժում էր. Թագուհի Մանսուրյանի հարեւանը ցուցմունք տվեց

Հունիս 06,2017 15:30

Այսօր Շենգավիթ վարչական շրջանի ընդհանուր իրավասության դատարանում քննվեց նախկին զոքանչին, կնոջն ու աներոջը կացնահարած Վլադիկ Մարտիրոսյանի գործը:

Հիշեցնենք, որ նախորդ տարի Երեւանում աղմկահարույց սպանություն էր տեղի ունեցել՝ Կարինե Մանսուրյանը փորձել էր աղջկան՝ Թագուհի Մանսուրյանին պաշտպանել վերջինիս նախկին ամուսնու՝ Վլադիկ Մարտիրոսյանի բռնի արարքներից. նա մահացել էր՝ Մարտիրոսյանի հասցրած կացնի հարվածներից:

Դատական այս նիստում հարցաքննվեցին Մանսուրյանների հարեւանները, որոնք դեպքի օրը օգնության էին հասել: Դիմացի հարեւան Լիլիթ Հարությունյանը պատմեց.  «Գիշերը ձայներ եմ լսել, դուրս եկա, տեսա՝ արդեն ամեն ինչ վերջացած էր, տեսել եմ՝ երեքն էլ ընկած էին»: Նա ասաց, որ երեխան կացնահարված մոր կողքը կանգնած՝ անընդհատ ղժժում էր, տարել է իրենց տուն, մինչեւ շտապօգնությունը գա:

Հարցին՝ ի՞նչ տեղեկություններ ունեք Մանսուրյանների ընտանիքի մասին՝ նա պատասխանեց, որ կռիվներ միշտ եղել են, միշտ ձայներ ենք լսել:

Հարեւանը պատմեց, որ կացինը տեսել է աստիճաններից ներքեւ ընկած:

Տուժողի ներկայացուցիչ Ինեսսա Պետրոսյանը հարցրեց՝ անախորժություններ եղե՞լ են՝ հարեւանը պատասխանեց, որ երեխու համար միշտ եղել են. «Նա գալիս էր, գոռում էր, որ ուզում եմ երեխուս տեսնել»:

Ամբաստանյալը հարցրեց վկային, ես ի՞նչ տպավորություն եմ թողել, մեր վեճերի հրահրողն ո՞վ է եղել, ըստ ձեզ, ես ընդունա՞կ էի նման բան անելու: Հարեւանը պատասխանեց. «Ճիշտն ասած, չէի մտածում, էդ աստիճանի կհասնի, բայց դե եղավ, էլի, չգիտեմ: Ինչքան տեսել եմ՝ նորմալ է եղել»: Դատավորը հարցրեց՝ հիմա նորմալ չէ՞՝ նա պատասխանեց. «Հիմա էլ է նորմալ»:

Ցուցմունքում ասել է, որ Վլադիկը հայտարարել է, որ ցանկանում էր նրանց սպանել:

Վկան ասաց. «Ես տենց բան չեմ ասել, ե՞ս: Ես չեմ գրել»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2017
Երկ Երե Չոր Հնգ Ուրբ Շաբ Կիր
« Մայիս   Հուլ »
 1234
567891011
12131415161718
19202122232425
2627282930