Թուրք լրագրող Օզլեմ Էրթանը վեպ է գրել «Իմ գեղեցիկ զոհերը» (թուրքերեն` Benim Güzel Ölülerim) վերնագրով: Այն անցյալ շաբաթ հրատարակել է Թուրքիայի լավագույն հրատարակչություններից մեկը` Ithaki-ին: Ինչպես Aravot.am-ի հետ զրույցում նշեց հեղինակը, վեպը հայերի ցեղասպանության մասին է, քրդերի, եւ Թուրքիայում նրանց խնդիրների վերաբերյալ:
«Իմ գեղեցիկ զոհերը» Ֆանտաստիկայի ժանրում գրված գործ է, ես օգտագործել եմ մոգական ոճ եւ լեզու: Վեպը կարեւոր նշանակություն ունի, քանի որ առաջին գրական գործն է ֆանտաստիկայի ժանրում Հայոց ցեղասպանության մասին: Վեպում երկու աշխարհ կա` մեռյալների աշխարհը եւ ողջերի: Վեպի գլխավոր հերոսներից մեկը հոգեւորական Կարապետն է, որը կորցրել է ընտանիքը 1915-ի ցավալի դեպքերին ականատես եղել, սպանվել է նաեւ ինքը»,- վեպը ներկայացրեց Օզլեմ Էրթանը:
Նրա պատմելով, հայ հոգեւորականը նաեւ հրաշալի դուդուկ է նվագում եւ անընդհատ հիշում է իր ծննդավայր Տիգրանակերտը (Դիարբեքիրը):
Օզլեմ Էրթանի հետ բացառիկ հարցազրույցը «Առավոտի» առաջիկա համարներից մեկում:
Գոհար ՀԱԿՈԲՅԱՆ
