«Մեծ սպասելիքներ չունենք, չենք կարծում, որ Հայաստանում արդար դատավորի ինստիտուտը կայացած է, եւ կարող ենք ինչ-որ բանի հասնել: Նույն անարդարությունն է լինելու, պարզապես ուզում ենք հայտնել, որ աչալուրջ ենք ու հետեւելու ենք բոլոր իրադարձություններին»,- Aravot.am-ին ասաց «Հիմնադիր խորհրդարանի» մամուլի քարտուղար Սյուզան Սիմոնյանը:
Հիշեցնենք, որ այսօր մեկնարկեց «Սասնա ծռեր» խմբի տասնչորս անդամների գործերով դատավարությունը:
Նրա համոզմամբ, դատարանի որոշումները կանխորոշված են, ամեն ինչ արդեն պլանավորված է. « Սասնա ծռերին» սեւացնելու, վարկաբեկելու քաղաքականություն է գնում, «Սասնա ծռերի» գործողությունների արժեքն են ուզում նսեմացնել, մենք սպասում ենք շատ ավելի մեծ հարձակումների այս դատավարությունների ընթացքում, որովհետեւ դա է ռեժիմի ձեռագիրը,բայց մենք պատրաստ ենք դիմակայելու»:
Սյուզան Սիմոնյանի խոսքով, «Սասնա ծռերի» գործով դատավարությունը ռեժիմի համար մեծ հարված է լինելու, ու շատ հարցեր են լուսաբանվելու այդ դատավարության ժամանակ. «Ես կասկածում եմ, որ կկարողանան այս դատավարությունները հորով-մորով անել, ամեն նիստի հետ ինչ-որ բան կպարզվի»:
Մանրամասները` տեսանյութում
Արփինե ՍԻՄՈՆՅԱՆ
