Ստավանգերում այսօր կայացավ շախմատի «Norway Chess» գերհզոր մրցաշարի յոթերորդ տուրը: Հայաստանի առաջատար գրոսմայստեր Լեւոն Արոնյանը սեւ խաղաքարերով արդեն 41-րդ քայլում պարտության մատնեց աշխարհի չեմպիոնի տիտղոսի վերջին հավակնորդ, ռուսաստանցի Սերգեյ Կարյակինին եւ 5,0 միավորով միանձնյա գլխավորեց մրցաշարային աղյուսակը:
Գերմրցաշարի ավարտին մնում է երկու տուր:
Շնորհիվ փայլուն մրցելույթի եւ հատկապես Կրամնիկի նկատմամբ տարած հաղթանակի, Արոնյանն այս մրցաշարում անհատական վարկանիշով հընթացս հաղթահարել էր 2800-ի սահմանը՝ այն հասցնելով 2803,5 կետին:
Աշոտ ՀԱԿՈԲՅԱՆ
Լուսանկարը՝ chesspro.ru-ի
