ՀՀ ԱԺ պատվիրակությունն` Արցախում

Արցախի Հանրապետության Նախագահ Բակո Սահակյանը հունիսի 15-ին ընդունել է Հայաստանի Հանրապետության Ազգային ժողովի պատվիրակությանը՝ խորհրդարանի նախագահ Արա Բաբլոյանի գլխավորությամբ:

Նախագահ Սահակյանը շնորհավորել է Արա Բաբլոյանին եւ պատվիրակության անդամներին Ազգային ժողովի պատգամավոր ընտրվելու եւ պատասխանատու պաշտոններ ստանձնելու կապակցությամբ՝ մաղթելով նրանց արդյունավետ աշխատանք:

Հանդիպմանը քննարկվել են հայկական երկու պետությունների խորհրդարանների փոխգործակցությանն առնչվող մի շարք հարցեր:

Երկրի ղեկավարը համոզմունք է հայտնել, որ Հայաստանի Հանրապետության 6-րդ գումարման Ազգային ժողովը կշարունակի ընդլայնել ու խորացնել Արցախի Հանրապետության Ազգային ժողովի հետ արդեն իսկ ձեւավորված սերտ համագործակցությունը:

ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ

          ՏԵՂԵԿԱՏՎՈՒԹՅԱՆ ԳԼԽԱՎՈՐ ՎԱՐՉՈՒԹՅՈՒՆ