Ստավանգերում անցկացված շախմատային գերհզոր մրցաշարի ավարտից հետո Մոսկվայի շախմատային ֆեդերացիայի փոխնախագահ Սերգեյ Սմագինը, գնահատելով Լեւոն Արոնյանի խաղը, ասել է, որ հայ գրոսմայստերն արժանիորեն հաղթեց: «Միեւնույն մրցաշարում նա պարտության մատնեց աշխարհի գործող չեմպիոն Մագնուս Կարլսենին, 14-րդ չեմպիոն Վլադիմիր Կրամնիկին եւ աշխարհի թագի վերջին հավակնորդ Սերգեյ Կարյակինին, ինչը շատ արժեքավոր է: «Ընդ որում, Արոնյանը ահեղ մրցակիցներին հաղթեց ոչ թե նրանց թույլ տված սխալների հետեւանքով, այլ իր բարձրակարգ խաղի: Արոնյանին հետագա հաղթանակներ եւ հավակնորդների մրցաշար մտնել եմ մաղթում, ինչի մասին, համոզված եմ, երազում է», – ասել է Սերգեյ Սմագինը:
2018 թվականին կայանալիք հավակնորդների մրցամարտի հաղթողը աշխարհի թագը կվիճարկի Մագնուս Կարլսենի հետ:
Աշոտ ՀԱԿՈԲՅԱՆ
Լուսանկարը՝ norwaychess.no-ի
