«Ոտքի՛, Հայաստան» քաղաքացիական շարժման անդամ Դավիթ Հովհաննիսյանի վերաքննիչ բողոքի քննությունն այսօր կրկին հետաձգվեց: Սա արդեն երրորդ անգամն է, որ հետաձգվում է դատարանի ծանրաբեռնվածության պատճառաբանությամբ: Բողոքի քննությունը նախապես նշանակված էր այսօր առավոտյան, հետո հետաձգվեց կեսօրից հետո, բայց երկու նիստերն էլ տեղի չունեցան: Հաջորդ նիստը նշանակվեց հունիսի 21-ին:
Դավիթ Հովհաննիսյանի պաշտպան Հովիկ Արսենյանը Վերաքննիչ դատարանում բողոքարկում է իր պաշտպանյալի խափանման միջոց կալանքը:
Հիշեցնենք, որ Դավիթ Հովհաննիսյանը մեղադրվում է ՀՀ Քրեական օրենսգրքի 225-րդ հոդվածի 2-րդ մասով նախատեսված գործողություններ կատարելու մեջ, այն է ՝ հուլիսի 29-ին Սարի թաղում զանգվածային անկարգությունների մասնակցելը:
Դավիթ Հովհաննիսյանի պաշտպան՝ փաստաբան Հովիկ Արսենյանը մեր հարցին՝ կարծում եք՝ միտումնավոր ձգձգո՞ւմ են, թե՞ իսկապես դատարանի ծանրաբեռնվածությունն է պատճառը, պարոն Արսենյանը պատասխանեց՝ դե երեւի մտածում են, էլի. «Թող մտածեն»:
Արփինե ՍԻՄՈՆՅԱՆ
