Տոկիոյում ընթացող ծանրամարտի աշխարհի երիտասարդական առաջնությունում հայաստանցի 105 կգ քաշային Սամվել Գասպարյանը մեծ բրոնզե եւ փոքր արծաթե մեդալ նվաճեց:
Հայ մարզիկը հավակնում էր չեմպիոնական ոսկուն, սակայն նրան խանգարեց մեկնարկային լարվածությունը: Պոկում վարժությունում նա կատարեց մեկ արդյունավետ մոտեցում՝ 160 կգ, որը վեցերորդ արդյունքն էր:
Սամվելը համեմատաբար հաջող հանդես եկավ հրում վարժությունում՝ նախ գլխավերեւում պահելով 200, ապա՝ 205 կգ ծանրաձողը (փոքր արծաթ): Վերջին մոտեցումում, եթե մեր ծանրորդը բարձրացներ 210 կգ-ն, կշրջանցեր բոլոր մրցակիցներին: Սակայն այսօր դա չստացվեց:
Աշոտ ՀԱԿՈԲՅԱՆ
