«Ես թոշակառուի նմա՞ն եմ». Մկրտիչ Մինասյանը՝ Բաբլոյանի խորհրդական. «Հրապարակ»

«Ես թոշակառուի նմա՞ն եմ». Մկրտիչ Մինասյանը՝ Բաբլոյանի խորհրդական. «Հրապարակ»

Նախապես հայտարարված քաղաքական սերնդափոխության գաղափարին ի հակառակ, Հանրապետական կուսակցությունը ոչ միայն տարեցներին պահեց իշխանության մեջ, այլեւ սկսել է երիտասարդներին կրճատել՝ տարեցներին բերել։ ԱԺ նորընտիր խոսնակ Արա Բաբլոյանը ոչ ինքն է նախկին նախագահից երիտասարդ, ոչ էլ իր աշխատակազմն է համալրում երիտասարդներով։ Ընդամենը վերջերս մամուլը գրեթե փառաբանեց նրան, որ 23-24 խորհրդական-օգնականներից թողել է ընդամենը 6-ին՝ կրճատելով մյուսներին։ Սակայն օրերս նա իրեն խորհրդական է նշանակել ԱԺ նախկին պատգամավոր Մկրտիչ Մինասյանին։

Մինասյանի բախտը չժպտաց այս ընտրություններում, ցուցակի 42-րդ հորիզոնականը, որն զբաղեցնում էր նա, անցողիկ չէր, բայց իշխանությունը որոշեց նրան պարապ չթողնել, եւ նա այժմ խորհուրդներ է տալու Արա Բաբլոյանին։ Մկրտիչ Մինասյանն արդեն ԱԺ-ում իր աշխատասենյակն ունի եւ երկու օր է՝ խորհուրդներ է տալիս ԱԺ նախագահին։

«Դուք կարծում եք, որ խորհուրդ տվողները միայն երիտասարդ պետք է լինեն, հա՞»,- իր նշանակման առիթով մեր զարմանքի վրա զարմացավ Մկրտիչ Մինասյանը։ «Ես թոշակառուի նմա՞ն եմ»,- գրեթե քոչարյանաբար նեղսրտեց ՀՀԿ-ականը, երբ նկատեցինք, թե իր սիրտը շահելու համար են խորհրդական նշանակել, եւ հետաքրքրվեցինք՝ հասարակական հիմունքներո՞վ է աշխատելու, թե՞ վճարովի։ Մինասյանը, իր խոսքով, քաղաքական խորհուրդներ է տալու նոր խոսնակին։ Ի դեպ, ԱԺ նախագահի պաշտոնում Բաբլոյանի նշանակման խոցելիության հիմնական արգումենտն էլ քաղաքական մտածողության բացակայությունն էր․ «Ես պատրաստվում եմ քաղաքական բնույթի խորհուրդներ տալ։ Իմ կյանքում ինչ անցել եմ, փորձառություն ձեռք բերել, կարողացել եմ հասկանալ-ընկալել, վերլուծել, ինչ-որ տեղ կվերլուծեմ, եւ կփորձենք զրուցել իրար հետ»։

Լուսինե ՇԱՀՎԵՐԴՅԱՆ

Հոդվածն ամբողջությամբ կարող եք կարդալ «Հրապարակ» թերթի այսօրվա համարում

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք