«Օհանյան-Րաֆֆի-Օսկանյան» դաշինքը, որի կազմում մեծ դեր է ունեցել «Ժառանգություն» կուսակցությունը, իր առջեւ դրված խնդիրը ժողովրդի առաջ որոշակիորեն իրականացրել է: Գտել ենք այն մարդկանց, ովքեր օգտվելով իրենց ունակություններից եւ դերակատարումից՝ համարձակություն են ունեցել կանգնել ժողովրդի կողքին ու որոշել երկրում փոփոխություն իրականացնել»,-«Ժառանգություն» կուսակցության այսօրվա համագումարում հայտարարեց ՕՐՕ դաշինքի առաջնորդ, պաշտպանության նախկին նախարար Սեյրան Օհանյանը:
Նա մի շարք հարցեր բարձրացրեց. «Արդյո՞ք խորհրդարանական ընտրություններն ամրապնդեցին ժողովրդավարությունը ՀՀ-ում, արդյո՞ք օրինականությունը գերիշխեց ընտրությունների նախապատրաստման եւ ընտրությունների փուլում, արդյո՞ք ստեղծեցինք պայմաններ ժողովրդի վիճակը բարելավելու համար: Պատասխանը մեկն է՝ արտահայտված ընտրությունների արդյունքներով, որոնք անվանում եմ հետեւյալ կերպ. մեծահարուստների եւ բացասական հատկանիշներով մարդկանց կողմից պարտադրման եւ ժողովրդի նսեմացման երեւույթ իրականացվեց: Այն գումարները, որոնք բաժանվեցին…իշխանությունն այսօր գտնվում է հայտնի կուսակցությունների ձեռքին: Սա նսեմացրեց մեզ բոլորիս»:
Սեյրան Օհանյանի խոսքով՝ նոր խորհրդարանի գործունեությունը չի արտահայտելու ժողովրդի կամքը. «Մեր պայքարը պետք է ուղղված լինի պետականության ամրապնդմանը…Ազգ-պետություն կառուցելու գաղափարը պետք է թիկունք լինի ազգ-բանակ գաղափարին: Եթե բանակից պահանջում ենք արդի միջոցներ, ապա տվեք քաղաքացուն տնտեսություն այդ «զենքը»՝ զերծ մենաշնորհներից, փոքր եւ միջին բիզնեսի զարգացման հնարավորություններով: Իշխանությանը պետք է պարտադրել տալ ժողովրդին այդ զենքը»:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
Պ. Օհանյան:
Երբ եք վերջապես ներկայացնելու, թե ինչ միջոցներով է ապրում ձեր ընտանիքը:
Ու ապրում շաաաաաաաաաատ լավ: