«Հակառակորդն անընդհատ փորձում է լարված պահել սահմանային իրավիճակը, ինչը բանակցային գործընթացի վրա ազդելու եւ ներքաղաքական որոշակի խնդիրներ լուծելու նպատակով է»,-Aravot.am-ի հետ զրույցում անդրադառնալով Ադրբեջանի կողմից իրականացրած սահմանային վերջին միջադեպերին, ասաց ՀՀ պաշտպանության նախկին նախարար, «Օհանյան-Րաֆֆի-Օսկանյան» դաշինքի առաջնորդ Սեյրան Օհանյանը:
Նրա խոսքով՝ հայկական կողմը պետք է շարունակի պնդումներն առ այն, որ վստահության մեխանիզմներ պետք է ձեւավորվեն: «Առաջնային պլան պետք է մղվի Արցախի ղեկավարության մասնակցությունը բանակցային գործընթացին՝ որպես հակամարտության կողմ: Հարցի լուծման վերջնական փուլերից մեկում գուցե Արցախի ժողովրդի հետ նորից՝ զրոյից սկսենք բանակցության գործընթացը: Մնացածը ռազմավարական խնդիրներ են, որոնք պետք է ուղղված լինեն առաջնագծի եւ բանակի ամրապնդմանը»,-նշեց Սեյրան Օհանյանը:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
