Ինչպես ավելի վաղ հայտնել էինք, Շենգավիթ վարչական շրջանի ընդհանուր իրավասության դատարանում այսօր Ժիրայր Սեֆիլյանի եւ մյուսների գործի քննության ժամանակ դատավոր Տաթեւիկ Գրիգորյանը սանկցիաներ կիրառեց մի շարք փաստաբանների հանդեպ, այդ թվում՝ նիստերի դահլիճից հեռացված ամբաստանյալ Ներսես Պողոսյանի փաստաբան Արայիկ Պապիկյանի:
Վերջինս դատավորին ասաց, որ առանց իր պաշտպանյալի չի մասնակցելու նիստերին: Դատավորը պարզաբանեց, որ առանց դատավորի թույլտվության՝ փաստաբանն իրավունք չունի նման որոշում կայացնել: Այնուամենայնիվ, Արայիկ Պապիկյանը հեռացավ դահլիճից, ինչը ապակե պատնեշից այս կողմ գտնվող քաղաքացիները ծափերով ողջունեցին:
Նիստն ընդմիջվեց՝ փաստաբանի հանդեպ որոշում կայացնելու նպատակով:
Մանրամասն ՝ տեսանյութում
Լուիզա ՍՈՒՔԻԱՍՅԱՆ
