Ազատ ոճի ըմբիշները Դորտմունդում ավարտեցին պայքարը Եվրոպայի երիտասարդական առաջնությունում:
Հայաստանի հավաքականը եզրափակիչ օրը նվաճեց մեկ արծաթե եւ մեկ բրոնզե մեդալ: 120 կգ քաշային Հովհաննես Մաղաքյանը նախնական գոտեմարտերում երեք հաղթանակ տանելուց հետո մտել էր եզրափակիչ, որտեղ սակայն զիջեց Ռուսաստանի ներկայացուցիչ Մագոմեդամին Դիբիրովին եւ արժանացավ արծաթե մեդալի:
Մինչ այդ, 55 կգ քաշային Արսեն Հարությունյանը բրոնզե մեդալի համար գոտեմարտում 1 րոպե 16 վայրկյանում 10:0 հաշվով պարտության էր մատնել մոլդովացի Լեոնիդ Կոլեսնիկին, իսկ Հովհաննես Մխիթարյանը զիջել էր Վրաստանի ներկայացուցիչ Զաուր Բերաձեին:
Նախորդ օրը Հայաստանի հաշվարկին բրոնզե մեդալ բերել էր 50 կգ քաշային Կարեն Զուրաբյանը:
Աշոտ ՀԱԿՈԲՅԱՆ
