Շենգավիթ վարչական շրջանի ընդհանուր իրավասության դատարանն այսօր բավարարեց պաշտպաններ Տիգրան Եգորյանի եւ Տիգրան Հայրապետյանի միջնորդությունները Ժիրայր Սեֆիլյանին ու մյուսներին թույլատրել մասնակցել նիստին, թեեւ ավելի վաղ նրանց նիստերի դահլիճից հեռացնելու մասին որոշում էր ընդունել:
Ինչպես արդեն տեղեկացրել էինք՝ ամբաստանյալ Սասունիկ Պողոսյանի ինքնազգացողությունը նիստի ժամանակ վատացել էր, ինչի համար դատական նիստը հետաձգվել էր:
Նիստը վերսկսեց ու անմիջապես հետաձգվեց, դատարանն արձանագրեց, որ փաստաբան Տիգրան Եգորյանը նիստին ներկա չէ ու չի տեղեկացրել պատճառի մասին: Դատարանը նաեւ արձանագրեց, որ ամբաստանյալներ Ներսես Պողոսյանը, Սասունիկ Պողոսյանն ու Ժիրայր Սեֆիլյանը դատարանի գալուն պես ոտքի չեն կանգնում եւ որոշեց վերջիններիս տասը ժամով հեռացնել նիստերի դահլիճից:
«Եթե չեք հարգելու մեր իրավունքները, մենք ձեզ կպարտադրենք մեր իրավունքները հարգել»,- դատարանին ասաց Ժիրայր Սեֆիլյանը:
Դատական նիստը կրկին հետաձգվեց:
Արփինե ՍԻՄՈՆՅԱՆ
