Այս տասը տարիների ընթացքում Բակո Սահակյանի կողմից կատարված աշխատանքը ահռելի է. Արցախի Աժ պատգամավոր

Այս տասը տարիների ընթացքում Բակո Սահակյանի կողմից կատարված աշխատանքը ահռելի է. Արցախի Աժ պատգամավոր

Արցախի Հանրապետության Ազգային ժողովի անկախ պատգամավոր Արսեն Առստամյանը Aravot.am-ի հետ զրույցում ասաց, որ անցումային շրջանի նախագահի ընտրության ժամանակ քվեարկելու է Բակո Սահակյանի օգտին:

«Նախորդ երկու նախագահական ընտրությունների ժամանակ, որպես քաղաքացի ես կողմ եմ քվեարկել Բակո Սահակյանի թեկնածությանը: Այժմ նույնպես  սատարելու եմ նրան: Գտնում եմ, որ անցումային փուլի համար գործող նախագահի վերընտրությունը ճիշտ է, ինչպես նաև հաշվի առնելով այս տաս տարիների ընթացքում նրա կողմից  կատարված ահռելի աշխատանքը: Բակո Սահակյանի օրոք պետականաշինության գործում կատարված աշխատանքները այնքան զգալի են, որ նույնիսկ անզեն աչքով կարելի է տեսնել»,- իր որոշման մասին պարզաբանեց ԱԺ պատգամավորը:

Անդրադառնալով արցախյան հիմնախնդրի կարգավորման հարցին` Արսեն Առստամյանը նշում է, որ Արցախի քաղաքական ղեկավարությունը միշտ էլ հայտարարել է, որ առանց Արցախի անմիջական մասնակցության արցախյան հիմնախնդրի լուծում հնարավոր չէ. «Ինչպե՞ս կարելի է լուծել մի հարց, որի անմիջական կրողները չեն մասնակցում: Կարծում եմ, որ առաջնագծում հատկապես կարևոր է վստահության մեխանիզմների ներդնումը: Ադրբեջանը շարունակում է հրաժարվել և դա մի շատ պարզ պատճառով. հայկական կողմը երբեք նախահարձակ չի լինում և չի խախտում հրադադարի պահպանման ռեժիմը: Խախտող կողմը միշտ հանդիսանում է Ադրբեջանը և այդ պարագայում չի ցանկանում վստահության մեխանիզմների ներդնումը»:

 

Դավիթ ԱԲԱՂՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք