Հարցում. Մեծամասնությունը Սահմանադրությունը համարում է կեղծիքներով ընդունված հիմնական օրենք

Հարցում. Մեծամասնությունը Սահմանադրությունը համարում է կեղծիքներով ընդունված հիմնական օրենք

Aravot.am-ը իր ընթերցողներից հետաքրքրվել էր, թե ինչ է նրանց համար Սահմանադրությունը:

Հարցման մասնակիցները ունեին պատասխանի 4 հնարավորություն՝ «թղթի կտոր, որը ոչ մեկի պետքը չէ», «դարեր շարունակ պետականություն չունեցած հայ ժողովրդի պետականության վերականգնման կարեւորագույն ատրիբուտներից մեկը», «քաղաքականությամբ չեմ հետաքրքրվում» եւ «կեղծիքներով ընդունված հիմնական օրենք, որը մշտապես ոտնահարվում է իշխանավորների կողմից»:

Հարցման մասնակիցների 3 տոկոսը պատասխանել է, որ քաղաքականությամբ չի հետաքրքրվում, 23 տոկոսը համարում է, որ թղթի կտոր է, որը ոչ մեկին պետք չէ, 30 տոկոսը պատասխանել է, որ Սահմանադրությունը դարեր շարունակ պետականություն չունեցած հայ ժողովրդի պետականության վերականգնման կարեւորագույն ատրիբուտներից մեկն է:

Իսկ հարցման մասնակիցների մեծամասնությունը՝ 44 տոկոսը, պատասխանել է՝ կեղծիքներով ընդունված հիմնական օրենք, որը մշտապես ոտնահարվում է իշխանավորների կողմից:

 

ԱՄԻ ՉԻՉԱԿՅԱՆ

«Առավոտ»

15.07.2017

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք