«Մենք դարձանք անմեղ մեղավոր». ՀՀԿ-ի համար ձայներ հավաքած տնօրենները խոսել չեն ցանկանում

«Մենք դարձանք անմեղ մեղավոր». ՀՀԿ-ի համար ձայներ հավաքած տնօրենները խոսել չեն ցանկանում

«Իրազեկ քաղաքացիների միավորմանը» դատի տված դպրոցների տնօրենները չեն ցանկանում խոսել այն մասին, թե ինչու են հետ վերցրել հայցադիմումները:

«Զբաղված ենք»,-Aravot.am-ի հետ զրույցում ասաց Երևանի 4 դպրոցի տնօրեն Արմենուհի Զուրնաչյանը եւ չցանկացավ հարցերի պատասխանել:

-Ընդամենը կցանկանայի ճշտել՝ դուք հայցադիմումը հե՞տ եք վերցրել:

-Չենք զբաղվել այդ հարցով:

-Բայց վաղը ձեր գործով առաջին նիստն է:

-Դե եթե ներկա գտնվեմ, ուրեմն ներկա կգտնվեմ եւ վերջ…

Երևանի թիվ 10 դպրոցի տնօրեն Գայանե Մարտիրոսյանը եւս ոչինչ չհստակեցրեց.

-Ուզում էի իմանալ՝ հայցադիմումը հե՞տ եք վերցրել:

-Կներեք, չեմ կարող պատասխանել հարցին…(դրեց խոսափողը):

Կապ հաստատեցինք նաեւ Երևանի 71 դպրոցի տնօրեն Գայանե Դեմիրյանի հետ:

-Դուք ե՞ւս հայցադիմումը հետ եք վերցրել:

-Այո:

-Ինչո՞ւ:

-Ի սեր Աստծո, մենք դարձանք անմեղ մեղավոր…

Կուզենայի ձեր կարծիքն էլ լսել:

-Հայցը հետ ենք վերցրել, դրան այլեւս չեմ ուզում անդրադառնալ,-եզրափակեց տիկին Դեմիրյանը:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք