Լրահոս
Օրվա լրահոսը

87-ամյա  այրը մեղադրվում է իր համայնքի ղեկավարին թունավորելով սպանության փորձի մեջ

Հուլիս 20,2017 22:34

Տավուշի մարզի Բերդի տարածաշրջանի Վերին Ծաղկավան  գյուղի բնակիչ, 1930թ. ծնված  Սահակ Խաչատրյանին մեղադրանք է առաջադրվել այն բանի համար, որ նա 2016թ. մայիսի 7-ին, ժամը 20.00-ի սահմաններում  Վ. Ծաղկավան համայնքի ղեկավար Արթուր Ղազարյանին առանց որեւէ դրդապապատճառի, դիտավորությամբ կյանքից զրկելու նպատակով վերջինիս անձնական օգտագործման  «Պրադո» մակնիշի ավտոմեքենայի առջեւի ձախ կողմի դռան բռնակի վրա դրսից լցրել է ցինկի ֆոսֆիդ, սակայն Ս. Խաչատրյանի կամքից անկախ հանգամանքներում հանցագործությունն ավարտին չի հասցվել: Նրան մեղադրանք է առաջադրվել ՀՀ քրեական օրենսգրքի 34-104 հոդվածի 1-ին մասով («Սպանության փորձը»)

Նրա  նկատմամբ խափանման միջոց է ընտրվել չհեռանալու մասին ստորագրությունը:

Ս. Խաչատրյանը  չի ընդունում իրեն առաջադրված մեղադրանքը: Նրա կինը մահացել է, ինքը միայնակ է ապրում, որդիները Վ.  Ծաղկավանում չեն բնակվում:

Այս գործով տուժող Արթուր Ղազարյանը 2016թ. սեպտեմբերի 18-ին կայացած ընտրություներում համայնքի ղեկավար չի վերընտրվել:
Սույն քրեական գործով դատավարությունը հուլիսի 27-ին նշանակված է Տավուշի մարզի առաջին ատյանի դատարանի Բերդի նստավայրում

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2017
Երկ Երե Չոր Հնգ Ուրբ Շաբ Կիր
« Հուն   Օգո »
 12
3456789
10111213141516
17181920212223
24252627282930
31