Ըստ մամուլի տեղեկությունների` օրեր առաջ գողություն կատարելու մեղադրանքով ձերբակալվել է ՀՀ թռչնաբույծների միության նախագահ Ս. Ս.-ն եւ եւս երկու անձ: Այս անձիք ձերբակալվել են ՀՀ քննչական կոմիտեի Աջափնյակ եւ Դավթաշեն վարչական շրջանների բաժնում քննվող քրեական գործի շրջանակներում: Այս մասին տեղեկությունը հաստատել է նաեւ ՀՀ քննչական կոմիտեն:
Մեր հարցին ի պատասխան, քննչական կոմիտեից հայտնեցին, որ ձերբակալվել էին երեք անձ, սակայն դատախազությունն ազատել է արգելանքից, եւ երեքի նկատմամբ էլ խափանման միջոց է ընտրվել ստորագրությամբ չհեռանալը:
Նշենք, որ այդ անձիք ձերբակալվել էին երկուսը գողություն կատարելու, մեկը` գողության դրդելու կասկածանքով:
Նաեւ հիշեցնենք, որ ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Լուսինե ԲՈՒԴԱՂՅԱՆ
