Ռուսաստանի Դաշնությունում Կատարի դեսպան Ֆահադ Մուհամմեդ ալ-Աթիյան հայտարարել է, որ արաբական երկրների եւ Կատարի միջեւ ճգնաժամը դրական ազդեցություն է ունենալու Կատարի եւ ՌԴ-ի միջեւ տնտեսական հարաբերությունների եւ գործակցության վրա:
Ինչպես հայտնում են ռուսական լրատվամիջոցները, դեսպանն ասել է. «Տնտեսական զարգացման առումով Մոսկվան կդառնա Կատարի գլխավոր գործընկերներից մեկը: Արաբական երկրների կողմից շրջափակման համատեքստում Կատարը վարելու է ավելի ճկուն քաղաքականություն եւ ամրապնդելու հարաբերությունները ՌԴ-ի հետ եւ այլ երկրների հետ»:
Ֆահադ Մուհամմեդ ալ-Աթիյայի խոսքով. «Ռուսաստանը շատ հստակ հասկացրել է, որ անհրաժեշտության դեպքում կսատարի Կատարի շուրջ ճգնաժամից դուրս գալու մեր քայլերը»:
Լուիզա ՍՈՒՔԻԱՍՅԱՆ
