Լրահոս
Օրվա լրահոսը

Հղիների սրտխառնուքը կանխեք իմբիրի միջոցով

Հուլիս 26,2017 13:00

Կոճապղպեղը՝ իմբիրը, 9-րդ դարից հայտնի է եղել իբրեւ սրտխառնուքը կանխող լավագույն դեղամիջոց: Մի քանի տարի առաջ Դանիայի բժիշկներն այն կիրառել են հղի կանանց սրտխառնուքը կանխելու նպատակով: Վաղուց ապացուցված է, որ այս բույսն ավելի անվնաս եւ արդյունավետ է, քան սրտխառնուքի ժամանակ կիրառվող որեւէ այլ դեղամիջոց:

Բժիշկների մի խումբ հղիներին ամեն օր  տալիս էր 1 կիլոգրամ կոճապղպեղ, իսկ մեկ այլ խումբ բուժում էր դեղերով: Հետազոտություններից պարզվել է, որ կոճապղպեղով բուժվող հղի կանայք իրենց ավելի լավ են զգում, քան նրանք, ովքեր դեղեր էին ընդունում: Կոճապղպեղը օրգանիզմի վրա որեւէ կողմնակի ազդեցություն չի գործում:

Հայտնի է, որ կոճապղպեղով համեմված սնունդը հեշտ է մարսվում, թեթեւակի կծու համի շնորհիվ ոչ միայն սնունդը դառնում է համեղ, այլեւ այն դրական է ազդում մեր մարսողական համակարգի վրա. լավացնում է ստամոքսահյութի սեկրեցիան, պաշտպանում մարսողության խանգարումներից, գղտոցից, կանխարգելում ստամոքսի խոցային հիվանդության առաջացումը:

Դանիայի գիտնականները հետազոտություն են անցկացրել կամավորների շրջանում, որոնք իրենց սննդակարգի մեջ օգտագործել են կոճապղպեղ: Շնորհիվ սննդակարգի փոփոխության՝ այդ մարդկանց մոտ 63%-ով պակասել են հոդացավերն ու մկանացավերը: Մասնագետները կարծում են, որ պատճառը կոճապղպեղի մեջ պարունակող ուժեղ բաղադրիչներն են, ուստի խորհուրդ են տալիս սննդակարգում ավելացնել 1 թեյի գդալ չորացրած կամ 2 թեյի գդալ ծեծած կոճապղպեղ:

Պատրաստեց ԱՆՈՒՇ ՄԱԹԵՎՈՍՅԱՆԸ

«Առավոտ»

25.07.2017

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2017
Երկ Երե Չոր Հնգ Ուրբ Շաբ Կիր
« Հուն   Օգո »
 12
3456789
10111213141516
17181920212223
24252627282930
31