Հունգարիայի Գյոռ քաղաքում ընթացող պատանիների Եվրոպական ամառային օլիմպիական փառատոնում 50 երկրների ներկայացուցիչներ պայքարում են տասը մարզաձեւերում: Հայաստանը մասնակցում է դրանցից վեցին՝ թենիս, հեծանվային սպորտ, լող, ձյուդո, աթլետիկա եւ սպորտային մարմնամարզություն:
Մրցումային երկրորդ օրվա ավարտից հետո մեր պատանի մարզիկներից ոմանք ավարտել են մրցելույթները, մյուսները դեռ շարունակում են:
Երեկվա արդյունքներով մեր հավաքականից առավել հաջող հանդես է գալիս լողորդ Արթուր Բարսեղյանը, որը 50 մետր ազատ ոճի նախնական լողահերթում 23.72 արդյունքով մտել է եզրափակիչ եւ այսօր փորձելու է պայքարել մեդալի համար:
Աշոտ ՀԱԿՈԲՅԱՆ
Լուսանկարը՝ armnoc.am-ի
