Հազար ու մի ատրիբուտների վրա գումար ծախսող Երեւանի քաղաքապետարանը
մի շարք կարեւոր դետալներ, որոնք քաղաքացիների համար կարեւոր են եւ նաեւ ոչ պակաս կարեւոր տուրիզմի տեսանկյունից, անտեսում է: Մայրաքաղաքի մի շարք կանգառներում քաղաքացիները, այդ թվում եւ զբոսաշրջիկները, հասարակական տրանսպորտով տեղից տեղ տեղափոխվելու համար տեղեկատվություն չեն կարողանում ստանալ, թե այդ հատվածով որ երթուղայինն է անցնում, քանի որ կանգառասրահներին կից կանգառանշանների վրա այդ տեղեկատվությունը պարզապես բացակայում է:
Եթե նույնիսկ քաղաքային ավտոբուսների, միկրոավտոբուսների համարները որոշ
կանգառասրահներին եղել են եւ ջնջվել, ապա դրանք թարմացնելու գործը եւս քաղաքապետարանի պարտավորությունն է: Առանց տեղեկատվության այս կանգառասրահն, ի դեպ, մայրաքաղաքի ամենաբանուկ մասում է` Աբովյան պուրակում:
Լուսանկարները` ԼՈՒՍԻՆԵ ԲՈՒԴԱՂՅԱՆԻ
«Առավոտ»
26.07.2017
