«Անտառային ոլորտի մշակված հայեցակարգը բավարար լուծումներ չի նախատեսում անտառների պահպանության, ապօրինի ծառահատումների դեմ պայքարի եւ առկա կառույցների կառավարման խնդիրների մասով»,-այսօր կառավարության նիստում ասաց վարչապետ Կարեն Կարապետյանը՝ անդրադառնալով անտառային ոլորտի համալիր բարեփոխումների խնդրին:
Նա գյուղատնտեսության, բնապահպանության եւ տարածքային կառավարման ու զարգացման նախարարներին հանձնարարեց մեկամսյա ժամկետում համատեղ մշակել եւ կառավարության աշխատակազմ ներկայացնել անտառային ոլորտի բարեփոխումների լրամշակված նախագիծ` առաջարկելով նաեւ օրենսդրական լուծումներ, նաեւ հստակ տարանջատելով անտառօգտագործման եւ անտառպահպանման խնդիրները:
«Մենք ունենք անտառային տնտեսությամբ զբաղվող մի քանի կառույցներ, որտեղ գործառույթները հստակ տարանջատված չեն: Մենք ուզում ենք, որ կառավարի մի կառույց, վերահսկի մի կառույց, որպեսզի առաջանա համապատասխան աշխատանքային շահերի բախում, որի արդյունքում նպաստավոր պայմաններ կստեղծվեն»,- ասաց Կարեն Կարապետյանը:
Լուսինե ԲՈՒԴԱՂՅԱՆ
