Լրահոս
Օրվա լրահոսը

ՌԴ-ի դեմ ամերիկյան սանկցիաները «կխփեն» ՀՀ տնտեսությանը (Տեսանյութ)

Հուլիս 28,2017 15:10

ԱՄՆ-ի սենատը որոշեց ՌԴ-ի դեմ տնտեսական սահմանափակումներ կիրառել: Դրանք ինչպե՞ս կանդրադառնան Հայաստանի վրա, քանի որ ՌԴ-ն ՀՀ-ի հիմնական գործընկերներից է եւ ԵԱՏՄ անդամ. «Տեսակետ» մամուլի ակումբում այսօր պատասխանելով լրագրողների այս հարցին, քաղաքագետ Ստեփան Գրիգորյանն ասաց, որ ֆորմալ առումով սահմանափակումները ԵԱՏՄ-ի դեմ չեն, բայց եթե ՌԴ-ի տնտեսությունն էլ ավելի հետ է գնալու, քանի որ սահմանափակումների հիմնական մասը վերաբերում է ՌԴ-ին նոր տեխնոլոգիաներ չտրամադրելուն, բնականաբար, դա կազդի նաեւ ՀՀ-ի տնտեսության վրա:

Քաղաքագետն ուշադրություն է հրավիրում այն փաստին, որ ՌԴ-ի դեմ ամերիկյան սանկցիաներին դեմ է արտահայտվում նաեւ ԵՄ-ն, մասնավորաբար, Գերմանիան, քանի որ ՌԴ-ին տեխնոլոգիաների տրամադրման սահմանափակումն ուղղակի ազդելու է Գերմանիայի տնտեսության վրա:

«Մասնագետ չեմ, ավելի մանրամասն ասել, թե Հայաստանի տնտեսության վրա դա ի՞նչ ազդեցություն կունենա, բայց Իրանի, Վրաստանի, ԵՄ-ի հետ մենք ազատ չենք կարող առեւտուր անել, քանի որ ԵԱՏՄ անդամ ենք, այդ ապրանքները հարկվելու են»,- ասաց քաղաքագետը:

Aravot.am-ի հարցին`նոյեմբերին նախատեսված է ՀՀ-ԵՄ համաձայնագրի ստորագրումը. ՀՀ իշխանություններն ինչպես 2013-ին, այնպես էլ հիմա խոստանում են, որ համաձայնագիրը ստորագրվելու է, պարզ է, որ ՌԴ-ն «ձեռքերը ծալած» չի նստելու`ի՞նչ զարգացումներ են սպասվում: Ստեփան Գրիգորյանը նկատեց`նախ, նոր շրջանակային համաձայնագիրը չի խոչընդոտում ԵԱՏՄ-ի շրջանակներում ստանձնած պարտավորություններին, ապա, եթե երկրորդ անգամ ՀՀ-ն ետ կանգնի իր ստանձնած պարտավորությունից եւ չստորագրի իր նախաստորագրած համաձայնագիրը, դա լուրջ կխփի երկրի իմիջին:

Մանրամասները`տեսանյութում

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Հուլիս 2017
Երկ Երե Չոր Հնգ Ուրբ Շաբ Կիր
« Հուն   Օգո »
 12
3456789
10111213141516
17181920212223
24252627282930
31