Հուլիսի 31-ին «Տեսակետ» ակումբը հյուրընկալել էր «Գլաձորի համալսարանի տեղադրության նոր վարկած» գրքի հեղինակ, անկախ հետազոտող Տիգրան Մկրտչյանին: Նա խոսես Գնդեվազի Սուրբ Աստվածածին եկեղեցու նորահայտ որմնանկարների մասին, անդրադարձավ նաեւ Ս. Աստվածածին եկեղեցու անմխիթար վիճակին և նորահայտ որմնանկարներն անվերադարձ կորցնելու վտանգին:
Տիգրան Մկրտչյանը նշեց, որ Հերմոնի վանքի մոտ, հզոր ժայռի վրա կառուցված են 3 եկեղեցիներ, կան նաեւ օժանդակ շինությունների հետքեր: Գիտնականը պնդում է, որ Գլաձորի համալսարանը գտնվել է հենց Հերմոնի վանքի մոտ: Նրա խոսքով, պատմական աղբյուրները եւս այդ մասին են վկայում, ու դրանցում Վայոց ձորը նշված է որպես Եղեգյաց ձոր:
Տիգրան Մկրտչյանը ցավով փաստեց, որ Գնդեվազի Սուրբ Աստվածածին եկեղեցու տանիքը փլված է, անձրեւաջրերը ողողում են բացառիկ որմնանկարները, որոնք 17-18-րդ դարերի են: Լրագրողների հարցին պատասխանելով` Տիգրան Մկրտչյանն ասաց, որ այդ մասին ահազանգել է պատկան մարմիններին, սակայն պատասխանել են, թե գումար չկա:
Մանրամասները` տեսանյութում:
Գոհար ՀԱԿՈԲՅԱՆ
