Քաղաքական վերլուծաբան Սերգեյ Ստրոկանը եկել է այն եզրակացության, որ Հայաստանը մոտենում է ՆԱՏՕ-ին։ Մասնավորապես վերլուծաբանը նման եզրակացության է եկել` դատելով այն բանից, որ Հայաստանը Թբիլիսիում մասնակցել է դաշինքի զորավարժություններին։
Ի տարբերություն զորավարժություններին մասնակցած Ուկրաինայի և Վրաստանի, որոնք հավակնություններ ունեն դառնալու ՆԱՏՕ-ի անդամ, վերլուծաբանին զարմացրել է դրանց Հայաստանի մասնակցությունը, որը ՀԱՊԿ անդամ է և համարվում է Հարավային Կովկասում Ռուսաստանի հենակետը։
Ստրոկանը կարծում է, որ այդ զորավարժություններն ավելի շատ շոու էին և նպատակ ունեին հենց ցույց տալ, որ նախկին խորհրդային հանրապետությունները ունեն մեծ եղբայր` ԱՄՆ-ն։
Անդրադառնալով Հայաստանի մասնակցությանը` վերլուծաբանը կարծում է, որ այն կրում էր ավելի շատ խորհրդանշական բնույթ, քանի որ պաշտոնական Երևանը ներկայացված էր ռազմական բժիշկների խմբով միայն։ Այնուամենայնիվ, հարցադրում է կատարում` ինչու Հայաստանը որոշեց մասնակցել այդ զորավարժություններին` ի դեպ առաջին անգամ։ Վերլուծաբանը եզրակացնում է, որ դա, այնուամենայնիվ, կարելի է դիտարկել որպես դեմարշ Ռուսաստանի դեմ, ինչը պայմանավորված է Ռուսաստանի կողմից Ադրբեջանին զենք վաճառելու պատճառով հայկական հասարակությունում աճող դժգոհությունների հետ։
Պատրաստեց` Վիկտորյա ԱՆԴՐԵԱՍՅԱՆԸ
Անգամ անբարոյական կինը իր մարմնի դիմաց գին է պահանջում,գուցե եվ սակարկում:Իսկ ինչու Հայաստանը անվերապահորեն պիտի խոնարհվի մեծ հարեւանի առջեւ՝ ուր է ԳԻՆԸ: