Լրահոս
Օրվա լրահոսը

«Ժառանգությունը» ՀԱԿ-ի հետ չի հանդիպել. Լեւոն Զուրաբյան

Օգոստոս 09,2017 15:52

«Ժառանգություն» կուսակցության նախագահ Րաֆֆի Հովհաննիսյանը եւ փոխնախագահ Արմեն Մարտիրոսյանը ընդդիմության խոշորացման նպատակով հանդիպումներ են անցկացրել խորհրդարանական եւ արտախորհրդարանական ուժերի հետ: Թե կոնկրետ որ ուժերի հետ են հանդիպել եւ ինչ պայմանավորվածություն են ձեռք բերել՝ «Ժառանգությունն» առայժմ գաղտնի է պահում՝ խոստանալով հրապարակել սեպտեմբերին:

Մեզ հետ զրույցում կուսակցության վարչության անդամ Սուսաննա Մուրադյանը հայտարարեց, որ իրենց կարծիքով խորհրդարանից դուրս ավելի ընդդիմադիրներ կան: Երբ հարցրեցինք՝ «խորհրդարանից դուրս ավելի ընդդիմադիրներ» ասելով՝ ո՞ւմ նկատի ունեք՝ Սուսաննա Մուրադյանը պատասխանեց. «Ինչու ոչ՝ «Համախմբմանը», ինչու ոչ՝ ՀԱԿ-ին, այլ գործիչներ կան, որոնք կուսակցություն չունեն, չեն ներկայացնում, բայց նրանք կարող են լինել կազմակերպողը, գեներացնող»:

Aravot.am-ը ՀԱԿ փոխնախագահ Լեւոն Զուրաբյանից ճշտեց՝ «Ժառանգությունն» իրենց հետ հանդիպում, քննարկում ունեցե՞լ է ընդդիմադիր դաշտի խոշորացման նպատակով եւ ի՞նչ արդյունքներ կան, պայմանավորվածություն ունե՞ն: Նա պատասխանեց, որ «Ժառանգությունը» ՀԱԿ-ի հետ չի հանդիպել եւ որեւէ պայմանավորվածություն ձեռք չի բերել:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2017
Երկ Երե Չոր Հնգ Ուրբ Շաբ Կիր
« Հուլ   Սեպ »
 123456
78910111213
14151617181920
21222324252627
28293031