Լրահոս
Օրվա լրահոսը

«Ես բանդայի անդամ չեմ, բանդա էլ գոյություն չունի». Գառնիկ Մարգարյան

Օգոստոս 11,2017 12:13

Aravot.am-ի հետ զրույցում Նորք Մարաշի զինված խմբի գործով մեղադրվող «Հայրենիք ու պատիվ» կուսակցության նախագահ Գառնիկ Մարգարյանի կինն ասել էր, որ իր ամուսինը մի քանի անգամ հանդիպումներ է ունեցել զինված խմբի ղեկավար Արթուր Վարդանյանի հետ:

Այսօր դատական նիստից առաջ մենք Գառնիկ Մարգարյանից ճշտեցինք՝ ինչո՞ւ է ինքը հանդեպել Վարդանյանի հետ: Նա նախ ի պատասխան նեղսրտեց, որ ԶԼՄ-ները իրեն ներկայացնում են որպես բանդայի անդամ. «Ես բանդայի անդամ չեմ: Բանդա էլ գոյություն չունի: Այդ շինծու, արհեստական բաները մի՛ գրեք: Գրեք Սերժի վրա, որ ինքն է բանդա ստեղծել: Ի՞նչ եք իզուր տեղը էս ամեն ինչը… հիմար բաներ են գրում, դրա համար չեմ ուզում խոսել»:

Ինչ վերաբերում է զինված խմբի ղեկավարի հետ հանդիպումներին՝ Գառնիկ Մարգարյանը պատասխանեց. «Հա, կինո «Մոսկվայում»՝ կաֆեում, կանչել ասել է՝ ջոկատ ենք ստեղծում՝ գնալու Ղարաբաղ, կռվելու: Ես էլ ասել եմ՝ զինվոր եմ, կօգնեմ: Միայն դրա մասին ենք խոսել, բացարձակ: Ուրիշ բան չկա գործում: Զենքն էլ սարքած է»:

Գառնիկ Մարգարյանն ասաց՝ բացի Արթուրից որեւէ մեկն իրեն զինված խմբի անդամներից չի ճանաչում. «Հարցրեք բոլորին, տեսեք»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2017
Երկ Երե Չոր Հնգ Ուրբ Շաբ Կիր
« Հուլ   Սեպ »
 123456
78910111213
14151617181920
21222324252627
28293031