Լրահոս
Օրվա լրահոսը

ԵԱՏՄ երկրները մինչև տարեվերջ կհամաձայնեցնեն միավորման թվային զարգացման ռազմավարությունը. Տիգրան Սարգսյան

Օգոստոս 14,2017 18:25

Եվրասիական տնտեսական միության (ԵԱՏՄ) երկրները պատրաստվում են մինչև տարեվերջ համաձայնեցնել միավորման թվային զարգացման ռազմավարությունը: Այս մասին հայտարարել է Եվրասիական տնտեսական հանձնաժողովի կոլեգիայի նախագահ Տիգրան Սարգսյանը Աստանայում տեղի ունեցած մամուլի ասուլիսում:

«Այսօրվա օրակարգի համար մեկ թեման, ինչպես նշեցին կառավարությունների ղեկավարները, թվային փոխակերպումն է: Մենք պայմանավորվել ենք, որ անհրաժեշտ է անցկացնել համաձայնեցված թվային քաղաքականություն, հատկապես տնտեսական գործունեության այնպիսի ոլորտներում, որոնց վերաբերյալ լիազորությունները տրված են անդրազգային մարմնին»,- ասել է Սարգսյանը:

Նրա խոսքով՝ ԵԱՏՄ երկրները մշակում են ռազմավարություն, որը ներառում է հետևյալ ուղղությունները. ընդհանուր շուկաների թվայնացում, ենթակառուցվածքի, կառավարման համակարգերի և անվտանգության հարցերի հետ կապված թվայնացում:

«Այդ նախաձեռնությունների ցանկը՝ շուրջ 10 նախագիծ, մենք կտրամադրենք մեր գործընկերներին՝ քննարկման համար, և նրանցից սպասում ենք առաջարկներ ու դիտողություններ»,- ասել է Սարգսյանը՝ հավելելով, որ դրանից հետո թվային զարգացման ռազմավարությունը կուղարկվի աշխատանքային խմբի հաստատմանը, որը ստեղծվել է ԵԱՏՄ երկրների նախագահների լիազորմամբ:

«Մենք պետք է հասցնենք միջկառավարական խորհրդի հերթական նիստին ներկայացնել կողմերի դիտողությունների հաշվառմամբ մշակված նախագիծը, որպեսզի արդեն տարեվերջին կարողանանք փաստաթուղթը ներկայացնել պետությունների ղեկավարների քննարկմանը»,-ընդգծել է Տիգրան Սարգսյանը:

Պատրաստեց՝ Վիկտորյա ԱՆԴՐԵԱՍՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2017
Երկ Երե Չոր Հնգ Ուրբ Շաբ Կիր
« Հուլ   Սեպ »
 123456
78910111213
14151617181920
21222324252627
28293031