Լրահոս
Օրվա լրահոսը

Մոշը՝ ավիտամինոզների, հիպովիտամինոզների եւ փորկապության ժամանակ

Օգոստոս 16,2017 12:30

Մոշենին վարդազգիների ընտանիքին պատկանող բազմամյա կիսաթուփ է, որի պտուղները հասունանում են օգոստոս-սեպտեմբեր ամիսներին։

Դեղաբանական ազդեցությունն ու կիրառումը

Տերեւներն ու պտուղներն օժտված են հանգստացնող, ընդհանուր կազդուրիչ, ծարավը հագեցնող, քրտնաբեր, մեղմ լուծողական (կիսահասուն պտուղները հակառակը՝ կապող) ազդեցությամբ։

Պտուղները եւ նրանցից ստացվող ջրաթուրմը թողնում են ընդհանուր կազդուրիչ եւ հանգստացնող ազդեցություն կլիմակտերիկ նեւրոզների ժամանակ։ Հասուն պտուղները կիրառում են ավիտամինոզների, հիպովիտամինոզների եւ փորկապության ժամանակ։
Մրսածության, հարբուխի ժամանակ 2 ճաշի գդալ տերեւներին ավելացնել 2 բաժակ եռման ջուր, թրմել 1 ժամ, քամել։ Ընդունել 0,5 բաժակ՝ օրը 4 անգամ, ուտելուց առաջ։
Փորլուծության դեպքում 1,5 գրամ չորացրած տերեւներին ավելացնել 1 բաժակ եռման ջուր, թրմել 10 րոպե, քամել։ Ստացված թեյը խմել ոչ մեծ չափաբաժիններով սննդի ընդունման ընդմիջումներում։

Որպես քրտնաբեր միջոց խորհուրդ է տրվում 2 ճաշի գդալ չորացրած պտուղներին ավելացնել 1 բաժակ եռման ջուր, թրմել 15-20 րոպե, քամել։ Ընդունել 2-3 բաժակ՝ յուրաքանչյուր 1-2 ժամը մեկ։

 

Պատրաստեց ԱՆՈՒՇ ՄԱԹԵՎՈՍՅԱՆԸ

«Առավոտ»

15.07.2017

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2017
Երկ Երե Չոր Հնգ Ուրբ Շաբ Կիր
« Հուլ   Սեպ »
 123456
78910111213
14151617181920
21222324252627
28293031