Ներկայացնում ենք հատված «Հայանտառ» ՊՈԱԿ տնօրենի տեղակալ Ռուբեն Կարապետյանի հետ զրույցից.
– Սովորաբար նման հրդեհներից հետո որքա՞ն ժամանակ է պահանջվում անտառի վերականգնման համար։
– Անտառի վերականգնման երկու տարբերակ կա՝ բնական ճանապարհով եւ արհեստական կամ մեր միջոցով։ Բնական ճանապարհով եթե մտածենք, որ պետք է վերականգնվի, օրինակ, Վայոց Ձորի անտառը, ապա այնպիսի անտառներ են, գիհուկներ են, լուսավոր մեր ռելիկտային անտառներից, որոնք շատ դժվար կվերականգնվեն բնական պայմաններում։ Առանց այդ էլ այդ անտառները ծայրահեղ դժվար բնակլիմայական պայմաններում աճող անտառներ են։ Պատկերացրեք, որ 200 տարեկան ծառեր են, բայց 4-5 մետր բարձրություն ունեն։ Իսկ մեր միջոցներով հնարավոր է, բայց շատ ջանքեր, շատ ֆինանսական միջոցներ կպահանջվեն, որ կարողանանք վերականգնել։
-Իսկ մենք ունե՞նք հրդեհի դեմ պայքարելու միջոցներ, թե՞ ոչ։
– Ունենք, ցույց տվեցինք, որ կարողանում ենք հաղթահարել, նույն տիպի հրդեհ էր, որը հիմա Խոսրովում է գնում, ուղղակի կարողացանք այս իրավիճակը ճիշտ գնահատելով, ճիշտ տանելով՝ մենք նույնիսկ հանդիպակաց հրդեհ ենք կազմակերպել, որպեսզի առաջընթացը կանխենք, եւ դա էլ մարման մի եղանակ է, որը քիչ ծախսեր է պահանջում, բայց արդյունավետ միջոց է։
Սիրան ՀՈՒՆԱՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
