Պարզվում է՝ Կոտայքի մարզում գտնվող «Ջամբո» էկզոտիկ պարկ եւ ռեստորանային համալիրում նախօրեին կապիկը արտասահմանցի զբոսաշրջիկից 3700 ԱՄՆ դոլար էր «հափշտակել», նետել ընձառյուծի վանդակ:
Համալիրի սեփականատեր Արտյոմ Վարդանյանը Aravot.am-ին պատմեց, որ ամբողջ գումարը վանդակից քիչ առաջ է հանել ու վերադարձնելու է տիրոջը:
Պարոն Վարդանյանի խոսքով, զբոսաշրջիկը կապիկի հետ նկարվելիս է եղել հենց ընձառյուծի վանդակի հարեւանությամբ: Ըստ մեր զրուցակցի, կապիկը շատ է սիրում վարունգ, ամենայն հավանականությամբ, «գողոնը» ասոցացրել է իր սիրելի վարունգի հետ:
Արփինե ՍԻՄՈՆՅԱՆ
Լուսանկարը` Արտյոմ Վարդանյանի FB էջից
